ಅಪ್ಪ ಅಮ್ಮ ಇಬ್ಬರು ಸೋಫಾದ ಮೇಲೆ ಕುಳಿತಿದ್ದರು. ೬ ವರುಷದ ಮಗ ಓಡಿ ಬಂದು ಮುಗ್ದತೆಯಿಂದ ಅಮ್ಮನ  ಬಳಿ ಕೇಳಿದ

” ಅಮ್ಮ, ನನ್ನಪ್ಪನ  ತರಹ ನಾನಾಗಲು ಏನು ಮಾಡಬೇಕು”? ಅದಕ್ಕೆ ಪಕ್ಕದಲ್ಲಿದ್ದ ಅಪ್ಪ ಹೇಳಿದ ” ಬೇಡ ಪುಟ್ಟ , ನೀನು ನನ್ನಪ್ಪನ ತರಹ ಆಗು”.   ಅದಕ್ಕೆ ಮಗು “ನಾನು ಅದನ್ನೇ ಕೇಳಿದ್ದು ಅಪ್ಪ,  ನನ್ನಪ್ಪನ ತರಹ ಆಗಲು ಏನುಮಾಡಬೇಕು  ಅಂತ ” ಅದಕ್ಕೆ ಅಪ್ಪ ಮುಗುಳ್ನಕ್ಕು ” ಹೇಳ್ತಿನಿ ಬಾ ” ಎನ್ನುತ್ತಾ ಹೊರಗಡೆ ಹೊರಟನು.  ಮಗ ಅದೇ ಮುಗ್ದತೆಯಿಂದ  ಅಪ್ಪ ಇಟ್ಟ  ಹೆಜ್ಜೆಗಳನ್ನು ಅನುಸರಿಸುತ್ತ  ಅಪ್ಪನ ಹಿಂದೆ ಹೊರಟನು.